Ezekiel 24:21-23

Ang Biblia (1978)

²¹ Salitain mo sa sangbahayan ni Israel, Ganito ang sabi ng Panginoong Dios: Narito, ^(A)aking lalapastanganin ang aking santuario, na kapalaluan ng inyong kapangyarihan, na nasá ng inyong mga mata, at kinahihinayangan ng inyong kalooban, at ang ^(B)inyong mga anak na lalake at babae na inyong iniwan sa hulihan ay mangabubuwal sa pamamagitan ng tabak.

²² At inyong gagawin ang aking ginawa; hindi ninyo tatakpan ang inyong mga labi, o kakain man ng tinapay ng mga tao.

²³ At ang inyong turbante ay malalagay sa inyong mga ulo, at ang inyong mga panyapak sa inyong mga paa: kayo'y hindi tatangis o iiyak man; kundi ^(C)kayo'y manganglulupaypay sa inyong mga kasamaan, at mangagdadaingang isa't isa.