Ezekiel 7:14-16

Magandang Balita Biblia (with Deuterocanon)

Ang Parusa sa Israel

¹⁴ “Humudyat na ang tambuli at handa na ang lahat ngunit walang lumabas upang makipagbaka pagkat pare-pareho silang inabot ng aking poot. ¹⁵ Nasa labas ng bayan ang digmaan, nasa loob naman ang salot at taggutom. Ang nasa bukid ay namamatay sa digmaan. Ang nasa loob ng bayan ay nauubos sa salot at taggutom. ¹⁶ Kung may makatakas man sa bundok, sila'y matatagpuan sa mga bundok, na parang mga kalapating lumisan sa mga libis; sila'y nangangatog^[a] sa takot dahil sa kanilang kasamaan.