Ezra 2:62-67
Magandang Balita Biblia
61-62 Hindi rin mapatunayan ng mga sumusunod na angkan ng mga pari ang kanilang pinagmulang lahi: Habaias, Hakoz, at Barzilai. Ang kauna-unahang ninuno ng angkang ito ay nakapag-asawa sa anak na babae ni Barzilai na Gileadita, kaya't ang pangalan ng kanilang angkan ay mula sa pangalan ng kanyang biyenan. Hindi sila ibinilang na mga pari sapagkat hindi nila napatunayan kung sino ang kanilang mga ninuno. 63 Sinabihan(A) sila ng tagapamahalang Judio na hindi sila maaaring kumain ng mga pagkaing handog sa Diyos hanggang wala pang pari na maaaring sumangguni sa Urim at Tumim.
64-67 Ang kabuuang bilang ng mga bumalik mula sa pagkabihag ay 42,360.
Ang kanilang mga utusang lalaki at babae ay 7,337.
Ang mga manunugtog na lalaki at babae ay 200.
Ang mga kabayo ay 736.
Ang mga mola ay 245.
Ang mga kamelyo ay 435.
Ang mga asno ay 6,720.
Magandang Balita Biblia, Copyright © Philippine Bible Society 2012.
