Ezra 6:13-15

Ang Biblia (1978)

Ang templo ay natapos at inihandog.

¹³ Nang magkagayo'y si Tatnai na tagapamahala sa dako roon ng Ilog, si Sethar-boznai, at ang kanilang mga kasama, dahil sa iniutos ni Dario na hari, ay gumawa ng buong sikap.

¹⁴ At ang mga matanda ng mga Judio ay nangagtayo at nangapasulong, ayon sa hula ni Haggeo na propeta at ni Zacarias na anak ni Iddo. At kanilang itinayo at niyari, ayon sa utos ng Dios ng Israel, at ayon sa pasiya ni ^(A)Ciro at ni ^(B)Dario, at ni ^(C)Artajerjes na hari sa Persia.

¹⁵ At ang bahay na ito ay nayari nang ikatlong araw ng buwan ng ^(D)Adar, nang ikaanim na taon ng paghahari ni Dario na hari.