Gawa 19:18-20

Ang Salita ng Dios (Tagalog Contemporary Bible)

¹⁸ Marami sa mga sumasampalataya ang lumapit at nagtapat ng kanilang masasamang gawain. ¹⁹ At marami ring mga salamangkero ang nagdala ng kanilang aklat at sinunog nila mismo ang mga ito sa harap ng lahat. Ang halaga ng mga aklat na sinunog ay umabot ng ilang milyon. ²⁰ Dahil sa pangyayaring ito, lalo pang lumaganap ang kapangyarihan ng salita ng Dios.