Gawa 2:26-28

Ang Salita ng Dios (Tagalog Contemporary Bible)

²⁶ Kaya masaya ako, at hindi mapigil ang aking pagpupuri sa Dios.
    At kahit mamatay ako, may pag-asa pa rin ako.
²⁷ Sapagkat alam kong hindi mo ako pababayaan doon sa libingan.^[a]
    Hindi mo rin hahayaang mabulok ang iyong tapat na lingkod.
²⁸ Itinuro mo sa akin ang daan patungo sa buhay,
    at dahil sa palagi kitang kasama, masayang-masaya ako.’^[b]