Gawa 9:8-10

Ang Salita ng Dios (Tagalog Contemporary Bible)

⁸ Tumayo si Saulo, pero pagmulat niyaʼy hindi na siya makakita. Kaya inakay na lang siya ng mga kasama niya hanggang sa Damascus. ⁹ Tatlong araw siyang hindi nakakita, at hindi siya kumain o uminom.

¹⁰ Doon sa Damascus ay may isang tagasunod ni Jesus na ang pangalan ay Ananias. Nagpakita sa kanya ang Panginoon sa isang pangitain at sinabi, “Ananias!” Sumagot siya, “Panginoon, bakit po?”