Genesis 28:10-12

Ang Salita ng Dios (Tagalog Contemporary Bible)

Nanaginip si Jacob sa Betel

¹⁰ Umalis si Jacob sa Beersheba at lumakad papuntang Haran. ¹¹ Nang lumubog na ang araw, nakarating siya sa isang lugar at doon nanatili nang gabing iyon. Kumuha siya ng isang bato at ginawa niyang unan sa pagtulog niya. ¹² Ngayon, nanaginip siya na may isang hagdan na nakatayo sa lupa na abot hanggang langit. Nakita niya ang mga anghel ng Dios na umaakyat at bumababa sa hagdan.