Genesis 3:11-13

Magandang Balita Biblia (with Deuterocanon)

¹¹ Nagtanong muli ang Diyos, “Sinong maysabi sa iyong hubad ka? Bakit, kumain ka ba ng bungang ipinagbabawal ko?”

¹² “Kasi, pinakain po ako ng babaing ibinigay ninyo sa akin,” tugon ng lalaki.

¹³ “Bakit^(A) mo ginawa ang bagay na iyon?” tanong ng Panginoong Yahweh sa babae.

“Mangyari po'y nilinlang ako ng ahas, kaya ako natuksong kumain,” sagot naman nito.