Genesis 38:26-28

Magandang Balita Biblia (with Deuterocanon)

²⁶ Nakilala ni Juda ang iniwan niyang sangla, kaya't sinabi niya, “Wala siyang kasalanan, ako ang nagkulang; dapat sana'y ipinakasal ko siya kay Sela.” At hindi na niya ito muling sinipingan.

²⁷ Dumating ang panahon ng panganganak ni Tamar at natuklasang kambal ang kanyang isisilang. ²⁸ Sa oras ng kanyang panganganak, lumabas ang kamay ng isa at ito'y tinalian ng hilot ng pulang sinulid upang makilala ang unang inianak.