Habakuk 2:15-17

Magandang Balita Biblia (with Deuterocanon)

¹⁵ Mapapahamak kayo! Pinainom ninyo ang inyong mga kalapit bansa,
    ng alak na tanda ng inyong pagkapoot.
    Nilasing ninyo sila at hiniya,
    nang inyong titigan ang kanilang kahubaran.
¹⁶ Malalagay rin kayo sa kahihiyan at hindi sa karangalan.
    Iinom din kayo at malalasing.
Ipapainom sa inyo ni Yahweh ang inyong kaparusahan,
    at ang inyong karangalan ay magiging kahihiyan.
¹⁷ Hinubaran ninyo ang kagubatan ng Lebanon;
    ngayon, kayo naman ang huhubaran.
Pinatay ninyo ang mga hayop doon;
    ngayo'y kayo naman ang sisindakin nila.
Uusigin kayo dahil sa dugong inyong pinadanak,
    dahil sa inyong karahasan sa mga tao,
    sa daigdig at sa mga lunsod nito.