Hosea 12:1-3

Magandang Balita Biblia (with Deuterocanon)

12 Ang Efraim ay umaasa sa wala,
    at maghapong naghahabol sa hangin.
Puro kasinungalingan at karahasan ang ginagawa;
    nakikipag-isa sa Asiria,
    at nakikipagkalakal sa Egipto.”

² May paratang si Yahweh laban sa Juda.
    Paparusahan niya si Jacob ayon sa masama nitong pamumuhay,
    at gagantihan ayon sa kanyang mga gawa.
³ Nang^{(A) (B)} sila'y nasa sinapupunan pa, dinaya na ni Jacob ang kanyang kakambal,
    at nakipagbuno sa Diyos nang siya'y malaki na.