Hosea 13:3-5

Magandang Balita Biblia (with Deuterocanon)

³Kaya nga, matutulad sila sa mga ulap sa umaga
o sa hamog na madaling naglalaho;
gaya ng ipa na inililipad ng hangin,
gaya ng usok na tinatangay sa malayo.

⁴Sinabi ni Yahweh, “Ako si Yahweh na inyong Diyos.
    Ako ang nagpalaya sa inyo sa Egipto.
Noon, wala kayong ibang Diyos kundi ako,
    at walang ibang tagapagligtas maliban sa akin.
⁵Kinalinga^(A) ko kayo sa ilang,
    sa lupaing tuyo at tigang.