Hosea 4:10-12

Ang Salita ng Dios (Tagalog Contemporary Bible)

¹⁰ Kumakain nga kayo pero hindi kayo nabubusog. Sumasamba kayo sa mga dios-diosan^[a] para magkaanak kayo. Pero hindi kayo magkakaanak dahil itinakwil ninyo ako ¹¹ upang sumamba sa mga dios-diosan.

Isinusumpa ng Dios ang Pagsamba sa mga Dios-diosan

“Mga mamamayan ko, ang bago at lumang alak ay nakakasira ng inyong pang-unawa. ¹² Sumasangguni kayo sa dios-diosang kahoy, at ayon na rin sa inyo, sumasagot ito. Iniligaw kayo ng mga espiritung tumutulak sa inyo para sumamba sa mga dios-diosan, kaya tinalikuran ninyo ako tulad ng babaeng nangalunya.