Hosea 9:7-9

Magandang Balita Biblia

⁷ Dumating^(A) na ang mga araw ng pagpaparusa,
    sumapit na ang araw ng paghihiganti;
    ito'y malalaman ng Israel.
Ang sabi ninyo, “Mangmang ang isang propeta,
    at ang lingkod ng Diyos ay baliw!”
Totoo iyan sapagkat labis na ang inyong kasamaan,
    at matindi ang inyong poot.
⁸ Ang propeta'y siyang bantay sa Efraim, ang bayan ng aking Diyos,
    ngunit may bitag na laging sa kanya'y nakaumang,
    at kinapopootan siya maging sa templo ng kanyang Diyos.
⁹ Nagpakasamang^(B) lubha ang aking bayan
    gaya ng nangyari sa Gibea.
Gugunitain ng Diyos ang kanilang kalikuan,
    at paparusahan ang kanilang mga kasalanan.