Hoseas 1:7-9

Ang Biblia, 2001

⁷ Ngunit ako'y maaawa sa sambahayan ni Juda, at ililigtas ko sila sa pamamagitan ng Panginoon nilang Diyos. Hindi ko sila ililigtas sa pamamagitan ng busog, o sa pamamagitan man ng tabak, o sa pamamagitan man ng digmaan, o sa pamamagitan man ng mga kabayo, o sa pamamagitan man ng mga mangangabayo.”

⁸ Nang maihiwalay niya sa pagsuso si Lo-ruhama, siya'y naglihi at nanganak ng isang lalaki.

⁹ At sinabi ng Panginoon, “Tawagin mo ang kanyang pangalan na Lo-ammi;^[a] sapagkat kayo'y hindi ko bayan, at ako'y hindi ninyo Diyos.”