Isaias 17:8-10

Ang Biblia (1978)

⁸ At sila'y hindi titingin sa mga dambana, na gawa ng kanilang mga kamay, o magkakaroon man sila ng pitagan sa ginawa ng kanilang mga daliri, maging sa ^(A)mga Asera, o sa mga larawang araw.

⁹ Sa araw na yao'y ang kanilang mga matibay na bayan ay magiging gaya ng mga dakong pinabayaan sa gubat, at sa taluktok ng bundok, na pinabayaan sa harap ng angkan ni Israel: at magiging sira.

¹⁰ Sapagka't iyong nilimot ang ^(B)Dios ng inyong kaligtasan, at hindi mo inalaala ang ^(C)malaking bato ng iyong kalakasan: kaya't nagtatanim ka ng mga maligayang pananim, at iyong ibinabaon ang punla ng iba: