Isaias 19:11-13

Magandang Balita Biblia (with Deuterocanon)

¹¹ Hangal kayong lahat, mga pinuno ng Zoan!
    Kayong matatalinong tagapayo ng Faraon, pawang walang saysay ang inyong ipinapayo.
Paano ninyo masasabi sa Faraon:
    “Ako'y mula sa lahi ng mga matatalino
    at ang mga ninuno ko'y hari noong unang panahon?”
¹² Nasaan, Faraon, ang iyong mga matatalino?
    Bakit hindi nila sabihin sa iyo ngayon
    ang plano ni Yahweh na Makapangyarihan sa lahat laban sa Egipto?
¹³ Hangal ang mga pinuno ng Zoan,
    at baliw ang mga pinuno ng Memfis;
iniligaw nila ang Egipto tungo sa kapahamakan.