Isaias 19:12-14

Magandang Balita Biblia (with Deuterocanon)

¹² Nasaan, Faraon, ang iyong mga matatalino?
    Bakit hindi nila sabihin sa iyo ngayon
    ang plano ni Yahweh na Makapangyarihan sa lahat laban sa Egipto?
¹³ Hangal ang mga pinuno ng Zoan,
    at baliw ang mga pinuno ng Memfis;
iniligaw nila ang Egipto tungo sa kapahamakan.
¹⁴ Ginulo ni Yahweh ang kanilang pag-iisip.
Iniligaw nila ang Egipto sa lahat nitong ginagawa,
    animo'y lasing itong pasuray-suray at nagsusuka habang daan.