Isaias 27:9-11

Ang Biblia (1978)

⁹ Kaya't sa pamamagitan nito ay malilinis ang kasamaan ng Jacob, at ito ang buong bunga ng pagaalis ng kaniyang kasalanan: pagka kaniyang ginagawa ang mga bato ng dambana na gaya ng mga malambot na batong naluluray upang ^(A)ang mga Asera at ang mga larawang araw ay hindi na matatayo.

¹⁰ Sapagka't ang bayang nakukutaan ay nagiisa, isang tahanang ^(B)pinabayaan at iniwanan gaya ng ilang: doon manginginain ang guya, at doon hihiga, at kakainin ang mga sanga niyaon.

¹¹ Pagka ang mga sanga niyaon ay nangatuyo, babaliin; paroroonan ng mga babae at igagatong sa apoy: ^(C)sapagka't bayan na walang unawa; kaya't ang gumawa ^(D)sa kanila ay hindi magdadalang habag sa kanila, at ang naganyo sa kanila ay hindi magpapakita sa kanila ng lingap.