Isaias 30:15-17

Ang Biblia (1978)

¹⁵ Sapagka't ganito ang sabi ng Panginoong Dios, ng Banal ng Israel, ^(A)Sa pagbabalik at sa pagpapahinga ay matitiwasay kayo; ^(B)sa katahimikan at sa pagasa ay magiging ang inyong lakas. ^(C)At hindi ninyo inibig.

¹⁶ Kundi inyong sinabi, Hindi, ^(D)sapagka't kami ay magsisitakas na mangangabayo: kaya kayo'y magsisitakas: at, Kami ay magsisisakay sa mga maliksi; kaya't silang magsisihabol sa inyo ay maliliksi.

¹⁷ Isang libo ^(E)ay tatakas sa saway ng isa; sa saway ng lima ay tatakas kayo: hanggang sa kayo'y maiwang parang isang palatandaan sa taluktok ng bundok, at ^(F)gaya ng isang watawat sa isang burol.