Isaias 30:27-29

Ang Biblia (1978)

²⁷ Narito, ang pangalan ng Panginoon ay magmumula sa malayo, na nagniningas ng kaniyang galit, at nasa umiilanglang na salimuot na usok: ang kaniyang mga labi ay puno ng pagkagalit, at ang kaniyang dila ay gaya ng mamumugnaw na apoy:

²⁸ At ang ^(A)kaniyang hinga ay gaya ng ^(B)umaapaw na ilog, na umaabot hanggang sa leeg, upang igigin ang mga bansa ng pangigig na pangsira; at isang paningkaw na nakapagpapaligaw ^(C)ay malalagay sa mga panga ng mga bayan.

²⁹ Kayo'y mangagkakaroon ng awit na gaya ng sa gabi pagka ang banal na kapistahan ay ipinagdidiwang; at kasayahan ng puso, na gaya ng yumayaon na ^(D)may plauta upang masok ^(E)sa bundok ng Panginoon, ^(F)sa malaking Bato ng Israel.