Isaias 33:11-13

Magandang Balita Biblia

¹¹Walang kabuluhan ang mga plano ninyo, at ang mga gawa ninyo ay walang halaga;
dahil sa aking poot tutupukin kayo ng aking espiritu.^[a]
¹²Madudurog kayong tulad ng mga batong sinunog para gawing apog.
Kayo'y magiging abo, na parang tinik na sinunog.

¹³Kayong mga nasa malayo, pakinggan ninyo ang ginawa ko;
kayong mga nasa malapit, kilalanin ninyo ang kapangyarihan ko.