Isaias 33:8-10

Magandang Balita Biblia

⁸Sapagkat wala nang tao sa mga lansangan,
    mapanganib na ang doo'y dumaan.
Mga kasunduan ay di na pinahahalagahan,
    at wala na ring taong iginagalang.
⁹Ang tuyong lupa'y parang nagluluksa,
    ang kagubatan ng Lebanon ay nalalanta;
naging parang disyerto na ang magandang lupain ng Sharon;
    gayundin ang Bundok ng Carmel at ang Bashan.

¹⁰“Kikilos ako ngayon,” ang sabi ni Yahweh sa mga bansa,
“At ipapakita ko ang aking kapangyarihan.”