Isaias 35:5-7

Magandang Balita Biblia (with Deuterocanon)

⁵ Ang^(A) mga bulag ay makakakita,
    at makakarinig ang mga bingi.
⁶ Ang mga pilay ay lulundag na parang usa,
    aawit sa galak ang mga pipi.
Mula sa kaparangan ay aagos ang tubig,
    at dadaloy sa disyerto ang mga batis.
⁷ Ang nakakapasong buhanginan ay magiging isang lawa,
    sa tigang na lupa ay bubukal ang tubig.
Ang dating tirahan ng mga asong-gubat,
    ay tutubuan ng tambo at talahib.