Isaias 35:8-10

Magandang Balita Biblia

⁸ Magkakaroon ng isang maluwang na lansangan,
    na tatawaging Landas ng Kabanalan.
Sa landas na ito ay hindi makakaraan,
    ang mga makasalanan at mga hangal.
⁹ Walang leon o mabangis na hayop
    na makakapasok doon;
ito'y para lamang sa mga tinubos.
¹⁰ Babalik sa Jerusalem ang mga tinubos ni Yahweh
    na masiglang umaawit ng pagpupuri.
Paghaharian sila ng kaligayahan.
    Ang lungkot at dalamhati ay mapapalitan ng tuwa at galak magpakailanman.