Isaias 38:18-20

Ang Biblia, 2001

¹⁸Sapagkat hindi ka maaaring pasalamatan ng Sheol,
    hindi ka maaaring purihin ng kamatayan!
Silang nagsisibaba sa hukay ay hindi makakaasa
    sa iyong katapatan.
¹⁹Ang buháy, ang buháy, siya'y nagpapasalamat sa iyo,
    gaya ng ginagawa ko sa araw na ito;
ipinaalam ng ama sa mga anak
    ang iyong katapatan.

²⁰Ang Panginoon ang magliligtas sa akin,
at kami ay aawit sa saliw ng mga panugtog na kawad,
sa lahat ng araw ng aming buhay
sa bahay ng Panginoon.