Isaias 44:25-27

Ang Salita ng Dios (Tagalog Contemporary Bible)

²⁵ Binigo ko ang mga hula ng mga huwad na propeta. At ginagawa kong mangmang ang mga nanghuhula. Binabaliktad ko ang sinasabi ng marurunong at ginagawa kong walang kabuluhan ang kanilang nalalaman. ²⁶ Pero tinutupad ko ang propesiya ng aking mga lingkod at mga tagapagsalita. Sinabi kong ang Jerusalem ay muling titirhan, at ang iba pang bayan ng Juda na nagiba ay muling itatayo. ²⁷ Kapag sinabi kong matutuyo ang ilog, matutuyo nga ito.