Isaias 44:26-28

Magandang Balita Biblia

²⁶ Ngunit ang pahayag ng mga lingkod ko'y pawang nagaganap,
    at ang mga payo ng aking mga sugo ay natutupad;
ako ang maysabing darami ang tao sa Jerusalem,
    muling itatayo ang mga gumuhong lunsod sa Juda.
²⁷ Isang utos ko lamang, natutuyo ang karagatan.
²⁸ Ang^(A) sabi ko kay Ciro, ‘Ikaw ang gagawin kong tagapamahala.
    Susundin mo ang lahat ng ipapagawa ko sa iyo.
    Ang Jerusalem ay muli mong ipatatayo,
    gayundin ang mga pundasyon ng Templo.’”