Font Size
Isaias 45:20-22
Magandang Balita Biblia (with Deuterocanon)
Isaias 45:20-22
Magandang Balita Biblia (with Deuterocanon)
Si Yahweh ng Sanlibutan at ang mga Diyus-diyosan ng Babilonia
20 Sinabi ni Yahweh,
“Halikayong lahat na mga natitirang buháy mula sa lahat ng bansa;
kayong mga mangmang na nagpapasan ng mga imaheng kahoy
at dumadalangin sa mga diyus-diyosan na hindi makakapagligtas.
Ang mga taong ito'y walang nalalaman.
21 Ipagtanggol ninyo ang inyong panig.
Magsanggunian kayo.
Sino ang makakapagsabi ng mga bagay na magaganap?
Hindi ba akong si Yahweh, ang Diyos na nagliligtas sa kanyang bayan?
Walang ibang diyos maliban sa akin.
22 Lumapit kayo sa akin at kayo ay maliligtas,
kayong mga tao sa buong daigdig.
Walang ibang diyos maliban sa akin.