Isaias 46:5-7

Ang Salita ng Dios (Tagalog Contemporary Bible)

⁵ Kanino ninyo ako maihahalintulad? Mayroon bang katulad ko? ⁶ Ang ibang mga tao ay naglalabas ng kanilang ginto o pilak at inuupahan nila ang platero para iyon ay gawing rebulto at pagkatapos ay kanilang luluhuran at sasambahin. ⁷ Pinapasan nila ito at inilalagay sa kanyang lalagyan at nananatili ito roon dahil hindi naman ito makakakilos. Kung may mananalangin sa kanya, hindi siya makakasagot at hindi makakatulong sa panahon ng kaguluhan.