Isaias 50:2-4

Magandang Balita Biblia (with Deuterocanon)

² Bakit ang bayan ko'y hindi kumilos
    nang sila'y lapitan ko para iligtas?
Nang ako'y tumawag isa ma'y walang sumagot.
Bakit? Wala ba akong lakas para iligtas sila?
Kaya kong tuyuin ang dagat sa isang salita lamang.
    Magagawa kong disyerto ang ilog
    upang mamatay sa uhaw ang mga isda roon.
³ Ang bughaw na langit ay magagawa kong
    kasing-itim ng damit-panluksa.”

⁴ Ang Panginoong Yahweh ang nagturo sa akin ng aking sasabihin,
    para tulungan ang mahihina.
Tuwing umaga'y nananabik akong malaman
    kung ano ang ituturo niya sa akin.