Isaias 56:10-12

Ang Biblia (1978)

¹⁰ Ang kaniyang mga ^(A)bantay ay mga bulag, silang lahat ay walang kaalaman; ^(B)silang lahat ay mga piping aso, sila'y hindi makatahol; mapanaginipin, mapaghiga, maibigin sa pagidlip.

¹¹ Oo, ang mga aso ay matatakaw, sila'y kailan man ay walang kabusugan; at ang mga ito ay mga ^(C)pastor na hindi nangakakaunawa: ^(D)sila'y nagsilikong lahat sa kanilang sariling daan na mula sa lahat ng dako, bawa't isa'y sa kaniyang pakinabang.

¹² Kayo'y magsiparito, sabi nila, ako'y magdadala ng alak, at magpatid-uhaw tayo sa matapang na inumin; ^(E)at bukas ay magiging gaya ng araw na ito, dakilang araw, na walang kapantay.