Isaias 57:11-13

Magandang Balita Biblia (with Deuterocanon)

¹¹ Ang tanong ni Yahweh, “Sino ba ang inyong kinatatakutan
    kaya nagsinungaling kayo sa akin
at lubusang tumalikod?
Matagal ba akong nanahimik
    kaya kayo tumigil ng pagpaparangal sa akin?
¹² Akala ninyo'y tama ang inyong ginagawa.
Ibubunyag ko ang masama ninyong gawa;
    at tingnan ko lang kung tutulungan kayo ng mga diyus-diyosang iyan.
¹³ Ang diyus-diyosang tinatawag ninyo'y hindi makatutulong o makakapagligtas, kahit kayo'y managhoy;
    ang mga diyos ninyo'y lilipad kung hangin ay umihip,
    kaunting ihip lamang, sila'y itataboy.
Subalit ang taong sa aki'y may tiwala at laging umaasa,
    ang banal na bundok at ang lupaing ito'y mamanahin niya.”