Isaias 57:6-8

Magandang Balita Biblia

⁶ Makinis na bato'y sinasamba ninyo na tulad ng diyos,
kayo'y kumukuha ng pagkain at alak upang ihandog;
    sa gawa bang ito, ako'y malulugod?
⁷ Sa tuktok ng bundok,
    kayo'y umaahon upang maghandog,
    at makipagtalik.
⁸ Pagpasok ng pinto,
    nagtayo kayo roon ng diyus-diyosan,
    ako'y nilimot ninyo at inyong nilayasan.
Lubos kayong nag-alis ng suot ninyong damit;
    sa inyong higaa'y nakipagtalik sa mga lalaking inyong inupahan.
Kayo ay natulog na kasama nila para pagbigyan ang inyong pagnanasa.