Isaias 59:4-6

Magandang Balita Biblia (with Deuterocanon)

⁴ Hindi makatarungan ang inyong pagsasakdal sa hukuman;
    hindi rin matapat ang hatol ng inyong mga hukom.
Ang inyong batayan ay hindi tamang pangangatuwiran,
    at ang pananalita ninyo'y pawang kasinungalingan.
Ang iniisip ninyo'y pawang kaguluhan
    na nagiging sanhi ng maraming kasamaan.
⁵ Mga itlog ng ahas ang kanilang pinipisa,
    mga sapot ng gagamba ang kanilang hinahabi.
Sinumang kumakain ng itlog na ito'y mamamatay;
    bawat napipisa ay isang ulupong ang lumilitaw.
⁶ Hindi magagawang damit ang mga sapot,
    hindi nito matatakpan ang kanilang mga katawan.
Ang mga ginagawa nila'y kasamaan,
    pawang karahasan ang gawa ng kanilang mga kamay.