Jeremias 10:14-16

Ang Salita ng Dios (Tagalog Contemporary Bible)

¹⁴ Mga hangal at mangmang ang mga sumasamba sa mga dios-diosan. Mapapahiya lang ang mga platerong gumawa ng mga dios-diosan nila, dahil hindi naman totoong dios ang mga ito. Wala silang buhay. ¹⁵ Wala silang kabuluhan at dapat kamuhian. Darating ang araw na wawasakin ang lahat ng ito. ¹⁶ Pero ang Dios ni Jacob^[a] ay hindi katulad ng mga iyon. Siya ang lumikha ng lahat ng bagay pati na ang Israel, ang mga taong hinirang niya – Panginoong Makapangyarihan ang pangalan niya.