Jeremias 11:18-20

Magandang Balita Biblia (with Deuterocanon)

Isang Pagtatangka sa Buhay ni Jeremias

¹⁸ Ipinaalam sa akin ni Yahweh ang masamang balak ng aking mga kaaway laban sa akin. ¹⁹ Tulad ko'y isang maamong tupa na dinadala sa katayan at hindi ko alam na may masamang balak pala sila sa akin. Ang sabi nila, “Putulin natin ang puno habang malusog; patayin natin siya nang wala nang makaalaala pa sa kanya.”

²⁰ At^(A) nanalangin si Jeremias, “O Yahweh na Makapangyarihan sa lahat, ikaw ay hukom na makatarungan. Nababatid mo ang isipan at damdamin ng bawat tao. Ikaw ang maghiganti sa mga taong ito; ipinapaubaya ko sa iyong mga kamay ang anumang mangyayari sa akin.”