Jeremias 2:7-9

Magandang Balita Biblia

⁷ Dinala ko sila sa isang mayamang lupain,
    upang tamasahin nila ang kasaganaan niyon.
Ngunit dinungisan nila ang ibinigay kong lupain
    dahil sa karumal-dumal nilang mga gawain.
⁸ Hindi man lamang nagtatanong ang mga pari, ‘Nasaan si Yahweh?’
    Hindi ako nakikilala ng mga dalubhasa sa Kautusan,
hindi sumusunod sa akin ang mga pinuno;
    nangangaral ang mga propeta sa pangalan ni Baal,
    sumasamba at naglilingkod sa mga diyus-diyosan.

⁹ “Kaya't muli kong susumbatan ang aking bayan
at uusigin ko hanggang kaapu-apuhan.