Jeremias 22:18-20

Magandang Balita Biblia (with Deuterocanon)

“Walang tatangis sa kanyang pagpanaw o magsasabing,
    ‘Mahal kong kapatid! O, ang kapatid ko!’
Wala ring tatangis para sa kanya, at sisigaw ng,
    ‘O, panginoon! O aking hari!’
¹⁹ Ililibing siyang tulad sa isang patay na asno;
    kakaladkarin at ihahagis sa labas ng pintuang-bayan ng Jerusalem.”

²⁰ Umakyat kayo sa Lebanon at humiyaw,
    sumigaw kayo hanggang sa marinig sa Bashan ang inyong tinig.
Kayo'y manangis mula sa tuktok ng Bundok Abarim,
    sapagkat nilipol nang lahat ang kapanalig ninyo.