Jeremias 30:12-14

Magandang Balita Biblia

¹² Ito ang sabi ni Yahweh sa kanyang bayan:
“Wala nang lunas ang iyong sakit,
    malalâ na ang iyong sugat.
¹³ Walang mag-aalaga sa iyo,
    walang kagamutan sa iyong sugat;
    wala ka nang pag-asang gumaling pa.
¹⁴ Nilimot ka na ng lahat mong mangingibig;
    wala na silang malasakit sa iyo.
Sinaktan kita, gaya ng isang kaaway,
    buong lupit kitang pinarusahan;
    sapagkat matindi ang iyong kasamaan
    at napakarami mong kasalanan.