Jeremias 46:3-5

Magandang Balita Biblia

³ “Ihanda ninyo ang inyong mga kalasag,
    at sumugod sa digmaan!
⁴ Lagyan ninyo ng sapin ang mga kabayo, at sakyan ng mga mangangabayo.
Humanay kayo at isuot ang inyong helmet,
    ihasa ang inyong mga sibat,
    at magbihis ng mga gamit pandigma!
⁵ Ngunit ano itong aking nakikita?
Sila'y takot na takot na nagbabalik.
Nalupig ang kanilang mga kawal,
    at mabilis na tumakas;
    hindi sila lumilingon, sapagkat may panganib sa magkabi-kabila!