Jeremias 46:5-7

Magandang Balita Biblia (with Deuterocanon)

⁵ Ngunit ano itong aking nakikita?
Sila'y takot na takot na nagbabalik.
Nalupig ang kanilang mga kawal,
    at mabilis na tumakas;
    hindi sila lumilingon, sapagkat may panganib sa magkabi-kabila!
⁶ Ngunit hindi makakatakas kahit ang maliliksi,
    at hindi makalalayo ang mga kawal.
Sila'y nabuwal at namatay
    sa may Ilog Eufrates sa gawing hilaga.
⁷ Sino itong bumabangon katulad ng Nilo,
    gaya ng mga ilog na ang tubig ay malakas na umaalon?