Jeremias 50:2-4

Ang Biblia (1978)

² Inyong ipahayag sa gitna ng mga bansa, at inyong itanyag, at mangagtaas kayo ng watawat; inyong itanyag, at huwag ninyong ikubli: inyong sabihin, Ang Babilonia ay nasakop, ^(A)si Bel ay nalagay sa kahihiyan, ^(B)si Merodach ay nanglulupaypay; ang kaniyang mga larawan ay nalagay sa kahihiyan, ang kaniyang mga diosdiosan ay nanganglupaypay.

³ Sapagka't mula sa hilagaan ay ^(C)sumasampa ang isang bansa laban sa kaniya, na sisira ng kaniyang lupain, at walang tatahan doon: sila'y nagsitakas, sila'y nagsiyaon, ang tao at gayon din ang hayop.

⁴ Sa mga araw na yaon, at sa panahong yaon, sabi ng Panginoon, ang mga anak ni Israel ay magsisidating, ^(D)sila, at ang mga anak ni Juda na magkakasama: ^(E)sila'y magsisiyaon ng kanilang lakad na nagsisiiyak, ^(F)at hahanapin nila ang Panginoon nilang Dios.