Jeremias 50:9-11

Ang Biblia (1978)

⁹ Sapagka't, narito, aking patatayuin at pasasampahin laban sa Babilonia ^(A)ang isang kapulungan ng mga dakilang bansa na mula sa hilagaang lupain; at sila'y magsisihanay laban sa kaniya; mula diya'y sasakupin siya; ang kanilang mga pana ay magiging gaya sa isang magilas na makapangyarihan; ^(B)walang babalik na di may kabuluhan.

¹⁰ At ang Caldea ay magiging samsam: lahat na nagsisisamsam sa kaniya ay mangabubusog, sabi ng Panginoon.

¹¹ Sapagka't kayo ay masasaya, ^(C)sapagka't kayo'y nangagagalak, Oh kayong nagsisisamsam ng aking mana, sapagka't kayo'y malilikot na parang babaing guyang baka, na yumayapak ng trigo, at humahalinghing na parang mga malakas na kabayo;