Jeremias 51:28-30

Ang Biblia, 2001

²⁸ Ihanda ninyo ang mga bansa sa pakikidigma laban sa kanya,
    ang mga hari ng mga Medo, ang kanilang mga tagapamahala at mga kinatawan,
    at ang bawat lupain na kanilang nasasakupan.
²⁹ At ang lupain ay nanginginig at namimilipit sa sakit,
    sapagkat ang mga layunin ng Panginoon laban sa Babilonia ay nananatili,
upang wasakin ang lupain ng Babilonia,
    na walang naninirahan.
³⁰ Ang mga mandirigma ng Babilonia ay huminto sa pakikipaglaban,
    sila'y nanatili sa kanilang mga muog;
ang kanilang lakas ay naubos,
    sila'y naging parang mga babae,
ang kanyang mga tirahan ay nasusunog,
    ang kanyang mga halang ay nabali.