Jeremias 51:47-49

Ang Biblia, 2001

⁴⁷ “Kaya't narito, ang mga araw ay dumarating
    na aking parurusahan ang mga larawang inanyuan ng Babilonia;
ang kanyang buong lupain ay mapapahiya,
    at ang lahat ng mapapatay sa kanya ay bubulagta sa gitna niya.
⁴⁸ Kung^(A) magkagayo'y ang langit at ang lupa,
    at lahat ng naroroon
ay aawit sa kagalakan dahil sa Babilonia;
    sapagkat ang mga mangwawasak ay darating laban sa kanila mula sa hilaga, sabi ng Panginoon.
⁴⁹ Ang^(B) Babilonia ay dapat bumagsak dahil sa pinaslang sa Israel,
    kung paanong ang mga pinaslang sa buong lupa ay nabuwal dahil sa Babilonia.