Jonas 2:2-4

Ang Biblia, 2001

“Tinawagan ko ang Panginoon mula sa aking pagdadalamhati,
    at siya'y sumagot sa akin;
mula sa tiyan ng Sheol ako'y sumigaw,
    at iyong dininig ang aking tinig.
³ Sapagkat inihagis mo ako sa kalaliman,
    sa pusod ng dagat,
    at ang tubig ay nasa palibot ko;
ang lahat ng iyong alon at iyong mga daluyong
    ay umaapaw sa akin.
⁴ Kaya't aking sinabi, ‘Ako'y inihagis
    mula sa iyong harapan;
gayunma'y muli akong titingin
    sa iyong banal na templo.’