Josue 10:6-8

Ang Biblia (1978)

⁶ At ang mga tao sa Gabaon ay nagsugo kay Josue ^(A)sa kampamento sa Gilgal, na sinasabi, Huwag mong papanlambutin ang iyong kamay sa iyong mga lingkod; sampahin mo kaming madali, at iligtas mo kami, at tulungan mo kami: sapagka't ang lahat ng mga hari ng mga Amorrheo na nangananahan sa lupaing maburol ay nagpipisan laban sa amin.

⁷ Sa gayo'y sumampa si Josue mula sa Gilgal, siya at ang buong bayang pangdigma na kasama niya, at ang lahat ng mga makapangyarihang lalake na matatapang.

⁸ At sinabi ng Panginoon kay Josue, ^(B)Huwag mo silang katakutan: sapagka't aking ibinigay sila sa iyong mga kamay; ^(C)walang lalake roon sa kanila na tatayo sa harap mo.