Josue 21:43-45

Magandang Balita Biblia (with Deuterocanon)

Ang Pagsakop ng Israel sa Buong Lupain

⁴³ Ibinigay nga ni Yahweh sa bayang Israel ang lahat ng lupaing ipinangako niya sa kanilang mga ninuno. Kaya't nang masakop na nila ang buong lupain, doon na sila nanirahan. ⁴⁴ Binigyan sila ni Yahweh ng kapayapaan sa buong lupain, ayon sa ipinangako niya sa kanilang mga ninuno. Hindi sila natalo kailanman ng kanilang mga kaaway, sapagkat pinagtatagumpay sila ni Yahweh laban sa lahat ng kaaway. ⁴⁵ Tinupad ni Yahweh ang lahat ng ipinangako niya sa sambayanang Israel.